2 ár
August
15. mars
Námsfrøðihjálpari
Útbúgvingin til námsfrøðihjálpara hevur til endamáls at geva næminginum yrkisførleika at røkja námsfrøðiligar og umsorganaruppgávur á dagstovna-, skúla- og almannaøkinum.
Tú lærir, at arbeiða sjálvstøðugt við námsfrøðiligum og umsorganarligum uppgávum.
Um útbúgvingina
Útbúgvingin skal geva næminginum grundleggjandi námsfrøðiligar førleikar til sjálvstøðugt og umsorganarfult at røkja og leggja til rættis mennandi og stimbrandi námsfrøðiligt virksemi, sum styðjar upp undir menningina, trivnaðin og læringina hjá børnum, ungum og vaksnum.
Skipan av útbúgvingini
Skift verður millum undirvísing í skúla og starvsvenjing.
Tá ið næmingurin byrjar útbúgvingina, ger Heilsuskúli Føroya saman við næminginum eina útbúgvingarætlan.
Lærugreinar
- Námsfrøði
- Sálarfrøði í námsfr. verki
- Samskifti í námsfr. verki
- Heilsa í námsfr. verki
- Rørsla og ítróttur
- Náttúra og útilív
- Talgild mentan
- Mentan og virksemi
- Arbeiðsumhvørvi
- Føroyskt C
- Samfelagslæra C
- Enskt C
- Danskt C
Ymisk valfak 1-2 vikur:
Rytma, máltíðin, trivnaður, sernámsfrøðiligir hættir, netverk v.m.
Upptøkutreytir
Til at verða upptikin krevst:
- 10. floks prógv ella 9. floks prógv frá fólkaskúlanum
- Eisini krevst í minsta lagið 1 ára arbeiðsroyndir ella 1 ára skúlagongd aftrat.
Próvtøkur
Næmingurin skal til próvtøku í 3 lærugreinum:
- munnlig próvtøku í verkætlan
- munnlig próvtøka í einari yrkislærugrein
- munnlig ella skrivlig próvtøka í føroyskum ella munnlig próvtøku í enskum ella samfelagslæru, sum Mentamálaráðið tekur út.
Starvsmøguleikar
Við hesi útbúgvingini kanst tú arbeiða innan dagstovna- skúla og almannaøkið við mennandi og stimbrandi virksemi, sum styðjar upp undir menningina, trivnaðin og læringina hjá børnum, ungum og vaksnum.
Framhaldandi útbúgving
Tú kanst fara undir framhaldandi útbúgving. Útbúgvingin gevur atgongd til miðallangar útbúgvingar.
Meiri kunning
Les her
Heilsuskúli Føroya - www.heilsuskulin.fo
