Er tøkt her

Lestrartíð: 3 ár
Skúlabyrjan: August
Umsóknarfreist: Kvota 2 - 15. apríl. Kvota 1 - 1. juli
Tal av upptiknum næmingum: Umleið 20

Útbúgvingarstovnur
Fróðskaparsetur Føroya

Útbúgvingarstaður
Tórshavn

Lestrarstuðul:

Lestrarlán:

Lestrarkostnaður: Ókeypis fyri borgarar í danska ríkinum og norðurlondum. Staklærugreinar kosta 200 DKK/ECTS

Bachelor

Politikkur og umsiting

B.S.Sc.

Endamálið við útbúgvingini er at geva teim lesandi fjølbroytta vitan og innlit í politisk og umsitingarlig viðurskifti við serligum denti á tær avbjóðingar, sum smátjóðir møta í einum støðugt meira altjóðagjørdum heimi.

Um útbúgvingina

Á hesi útbúgvingini lærir tú um samfelagsvísindalig ástøði og háttaløg, tvørvísindi og verk­ætlanararbeiði, føroyskan og altjóða politikk, um stýrisskipanir, demokrati og vald, og um hvussu almennur politikkur verður umsitin og reguleraður.

Politikkur og umsiting er fyri tey, sum hava áhuga í, hvussu politikkur verður skaptur, reguleraður og broyttur.

Undirvíst verður m.a í:

  • samfelagsvísindalig ástøði og háttaløg
  • tvørvísindi og verkætlanararbeiði
  • føroyskan og altjóða politikk
  • stýrisskipanir, demokrati og vald
  • hvussu almennur politikkur verður umsitin og reguleraður

Skipan av útbúgvingini

Útbúgvingin er tvørvísindalig, ið merkir, at tað verður tikið støði í praktiskum søgu- og sam­felags­ligum viðurskiftum við stórum denti á spurdómsstýrda læring.

Tú kemur at ganga til nógvar fyrilestrar, men tú lærir harafturat sjálvstøðugt arbeiðslag, samstarv og kritiska støðutakan, ikki minst gjøgnum verkætlanar­arbeiði.

Tey bæði fyrstu árini eru støðisár, har lærugreinarnar í ávísan mun eru tær somu sum í søgu og sosialvísindum og samfelagsplanlegging.

Útbúgvingin endar við eini B.S.Sc.-ritgerð.​

Yvirlit - lestrarhálvur, lærugreinar og ECTS stig
 

1.
lestrarhálva
(heysthálva)
2.
lestrarhálva
(várhálva)
3.
lestrarhálva
(heysthálva
4.
lestrarhálva
(várhálva)
5.
lestrarhálva
(heysthálva
6.
lestrarhálva
(várhálva
)

Sosiologi og
mentan

10 ECTS

Føroysk nútíðarsøga

10 ECTS

Vallærugrein I

10 ECTS

Vallærugrein II

10 ECTS

Komparativur
politikkur 

10 ECTS

Altjóða
politikkur

10 ECTS

Stjórnmálafrøði

10 ECTS

Búskaparfrøði

10 ECTS

Politisk
ástøði og
idesøga 

10 ETCS

Háttalag II

10 ECTS

Fyrisitingarlóg

10ECTS

Bachelor-
ritgerð

20 ECTS

Vísindaástøði
og háttaløg

10 ECTS

Ritgerð I

10 ECTS

Háttalag I

10 ECTS

Ritgerð II 

10 ECTS

Almennur
politikkur og
fyrisiting 

10 ECTS

Upptøkutreytir

Treyt fyri upptøku er gymnasialt miðnám.

Verður søkt eftir kvotu 2, kunnu aðrar fortreytir við javnsettum kunnleikastøði góðtakast eftir nærri meting.

Starvsmøguleikar

Við útbúgving í politikki og umsiting kanst tú millum annað starvast innan: politikk, almenna umsiting, ella á privatum fyritøkum og t.d. til at fara undir víðari lestur, ið m.a. gevur førleikar til hægri undirvísingar- ella granskingarstørv.

Framhaldandi útbúgving

Útbúgvingin er harumframt grundarlag fyri framhaldandi lestur á masterstigi. 

Tað er lærustovnurin, sum søkt verður inn á, sum avger upptøkutreytirnar.​

Meiri kunning

Tú kanst venda tær til lestrarvegleiðingina ssd-studvegl@setur.fo ella til Jens Christian Svabo Justinussen, útbúgvingarleiðara, jensj@setur.fo.

Les meiri her.

Fróðskaparsetur Føroya - www.setur.fo.

Er tøkt her

Lestrartíð: 3 ár
Skúlabyrjan: August
Umsóknarfreist: Kvota 2 - 15. apríl. Kvota 1 - 1. juli

Útbúgvingarstovnur Fróðskaparsetur Føroya

Útbúgvingarstaður
Tórshavn

Lestrarstuðul:

Fylg okkum