Søk um upptøku her
Lestrartíð:

3½ ár

Skúlabyrjan:

august

Umsóknarfreist:

Kvota 2 - 15. apríl
Kvota 1 - 1. juli
Upptøka annaðhvørt ár,
næstu ferð í 2021

Tal av upptiknum næmingum:

Umleið 20

Útbúgvingarstovnur: Fróðskaparsetur Føroya
Útbúgvingarstaður: Tórshavn
ECTS: 210
Lestrarstuðul:
Lestrarlán:
Lestrarkostnaður:

Ókeypis fyri borgarar í danska ríkinum og norðurlondum. Staklærugreinar kosta 200 kr. fyri hvørt ECTS

Bachelor

Orkuverkfrøði

B.Sc.
Bachelor of Science in Energy Engineering

Endamálið við útbúgvingini er at geva teimum lesandi vitan um og praktiskar førleikar innan burðardygga orkuveiting, burðardygga orkunýtslu og um stóra týdningin, ið hetta hevur fyri umhvørvi og samfelag.

Um útbúgvingina

Útbúgvingin er ein verkfrøðiútbúgving, ið gevur førleikar innan náttúruvísindi og elfrøði, umframt at tað verður arbeitt við at skilja og loysa avbjóðingar á orkuøkinum.

Føroyar hava fjølbroyttar náttúrugivnar møguleikar fyri at vinna orku úr varandi orkukeldum sum t.d. vatni, vindi, sól, sjóvarfalli og aldu. Ein serstøk avbjóðing fyri eitt oyggjasamfelag er, at samband ikki er til aðrar orkuveitarar ígjøgnum eitt felags veitingarnet. Tí er týdningarmikið at fáa eina burðadygga lokala loysn, so samfelagið verður minni heft av innfluttari olju.

Útbúgvingin gevur vitan um burðardygga orkuveiting og orkunýtslu og um jaliga týdningin, ið hetta hevur fyri umhvørvi og samfelag. Spurningar innan orku, ið verða viðgjørdir, eru t.d.: Hvussu minka vit um ta orku, vit brúka, við bjálving ella endurvinning? Á hvønn hátt nøkta vit tann lutfalsliga vaksandi el-orkutørvin? Hvaðan skal orkan koma, og hvussu kann hon goymast?

Skipan av útbúgvingini

Tey lesandi koma eisini í starvsvenjing hjá fyritøkum og stovnum í Føroyum ella uttanlands í ½ ár. Hetta er fyri at tryggja, at tey lesandi eru klár til arbeiðsmarknaðin eftir BSc lesnaðin.

Útbúgvingin endar við eini verkætlan, har tú fært høvi til at seta teg serliga væl inn í eitt evni, ið útbúgvingin fevnir um. Fróðskaparsetrið og aðrir stovnar og fyritøkur hava hópin av tilfari til tín at kanna og viðgera í verkætlanini.

 Útbúgvingin er uppbygd á henda hátt:

  • 1. lestrarár er skipað við grundskeiðum í støddfrøði, orkuverkfrøði og alisfrøði
  • 2. lestrarár koyra skeiðini víðari innan somu evni umframt elverkfrøði, fígging og verkætlanir
  • 3. lestrarár eru flest skeið innan orku- og elverkfrøði umframt at starvsvenjingin byrjar
  • 4. lestrarár endar starvsvenjingin og ein bachelorverkætlan verður gjørd

Lestrarhálvur og skeið

1.
lestrarhálva

2.
lestrarhálva

3.
lestrarhálva

4.
lestrarhálva

5.
lestrarhálva

6.
lestrarhálva

7. lestrarhálva

Støddfrøði 1

10 ECTS

Støddfrøði 1

10 ECTS

Termo-dynamikkur

5 ECTS

Støddfrøði 2

5 ECTS

Orka og
inniklima

7,5 ECTS

Bygnings
instalatiónir

7,5 ECTS

Starvsvenjing

15 ECTS

Mekanikkur

7,5 ECTS

Elektro-
magnetisma

7,5 ECTS

Innleiðandi elfrøði

5 ECTS

Stýriverkfrøði

5 ECTS

Vindorka

7,5 ECTS

Stýring í verki

5 ECTS

Bachelor verkætlan

15 ECTS

Innleiðandi
orkuverkfrøði

7,5 ECTS

Varandi orka

7,5 ECTS

Dálking frá elframleiðslu

7,5 ECTS

Elektriskar maskinur

5 ECTS

Effekt-
elektronikkur

5 ECTS

Innleiðsla til starvsvenjing

2,5 ECTS

 

Líkindaástøði

5 ECTS

Hagfrøði

5 ECTS

Evnafrøði

5 ECTS

Streymrásfrøði

7,5 ECTS

Elveiting

5 ECTS

Starvsvenjing

15 ECTS

 

 

 

KT-verkætlan

7,5 ECTS

Jarðhiti og hitapumpur

7,5 ECTS

Forritan

5 ECTS

 

 

Próvtøkur

Próvtøka í skeiðunum er vanliga beint eftir at undirvísingin er lokin. 

Í ávísum førum telja avrik fyri uppgávur, ið verða givnar, meðan skeiðini eru í gongd, við í endaliga próvtalið.

Upptøkutreytir

Til at vera upptikin krevst bókligt (t.e gymnasialt) miðnámsprógv við:

  • Støddfrøði á A-stigi við miðaltalinum í minsta lagi 8 eftir 13-talsstiganum og í minsta lagi 6 eftir 7-talsstiganum
  • Alisfrøði á B stigi
  • Evnafrøði á C stigi

Ella tú hevur staðið maskinmeistaraprógv við miðaltalinum:

  • í minsta lagi 9 eftir 13-talsstiganum   
  • í minsta lagi 7 eftir 7-talsstiganum

Verður søkt eftir kvotu 2, kunnu aðrar fortreytir við javnsettum kunnleikastigi góðtakast eftir nærri meting.

Undirvísingin fer fram á tilfar á føroyskum, donskum og enskum. Vit vænta tí at tey lesandi hava nøktandi førleika á hesum málum.

Starvsmøguleikar

Útbúgvingin gevur tær grundarlag fyri starvsmøguleikum innan verkfrøði, ráðgeving og fyrisiting hjá privatum og almennum virkjum og stovnum.

Framhaldandi útbúgving

B.Sc. í orkuverksfrøði hevur tú grundarlag fyri framhaldandi lestur á master- ella kandidatstigi uttanlands. 

Tað er lærustovnurin, sum søkt verður inn á, sum avger upptøkutreytirnar.​

Meiri kunning

Meiri kunning fæst við at venda sær til Kirstin Sigurðsdóttir Rasmussen, lestrarvegleiðara, kirstinr@setur.fo, +298 292526 ella til Toke Meier Carlsen, útbúgvingarleiðara, tokemc@setur.fo, 298 292566.

Les meiri her.

Fróðskaparsetur Føroya

Søk um upptøku her
Lestrartíð:

3½ ár

Skúlabyrjan:

august

Umsóknarfreist:

Kvota 2 - 15. apríl
Kvota 1 - 1. juli
Upptøka annaðhvørt ár,
næstu ferð í 2021

Tal av upptiknum næmingum:

Umleið 20

Útbúgvingarstovnur: Fróðskaparsetur Føroya
Útbúgvingarstaður: Tórshavn
ECTS: 210
Lestrarstuðul:
Lestrarlán:
Lestrarkostnaður:

Ókeypis fyri borgarar í danska ríkinum og norðurlondum. Staklærugreinar kosta 200 kr. fyri hvørt ECTS