Búskapar- og virkisfrøði

Endamálið við útbúgvingini er at geva lesandi førleika til eftir lokna útbúgving at virka sjálvstøðugt sum búskaparfrøðingur/
virkisfrøðingur ella fara undir víðari lestur á kandidat- ella masterstigi.

Um útbúgvingina

Á hesi útbúgvingini lærir tú um konjunktursveiggj, altjóða handil, fíggjarmarknaðir og organisasjón og leiðslu. 

Útbúgvingin er skipað eftir altjóða leisti, men sum nakað serstakt tekur útbúgvingin støði í føroyska samfelagnum og teimum viðurskiftum, føroyskir borgarar, fyritøkur og myndugleikar liva undir.

Skipan av útbúgvingini

Tey bæði fyrstu árini eru støðisár, har tú fært hollar førleikar í búskaparfrøði og virkisfrøði umframt í støddfrøði og hagfrøði.

Tú fært til dømis innlit í ástøði og praksis um:

• Strategi 
• Fíggjarmarknaðir
• Búskaparvøkstur
• Búskaparsveiggj

Á triðja ári fært tú við valfakum og bacheloruppgávu møguleika at leggja serstakan dent á antin búskaparlig evni, sum til dømis búskaparfrøði um tilfeingisvinnur, ella virkisbúskaparlig evni, sum til dømis Corporate Social Responsibility.

Útbúgvingin endar við eini B.S.Sc.-ritgerð.​