Byggifrøðingur

Útbúgvingin gevur førleikar at leggja byggjarí til rættis og at samstarva við arkitektar, verkfrøðingar, entreprenørar og handverkarar.  

Tú lærir at leiða ymsu byggistigini og fært inlit í stigini frá hugskoti til klárt er at byggja.  

Um útbúgvingina

Útbúgvingin leggur serligan dent á planlegging, projektering og samskipan av byggi- og anleggsarbeiði. 

Dentur verður eisini lagdur at brúka talgild amboð og at byggingin verður framd burðardygt. 

Møguleiki er fyri framhaldslestri í Danmark. Glasir samstarvar við VIA Horsens í sambandi við útbúgvingina, sum í Danmark ber heitið "Bygningskonstruktør".

Skipan av útbúgvingini

Útbúgvingin er skipað soleiðis: 

1. hálvár: Sethús í einari hædd

2. hálvár: Sethús upp til 2½ hæddir

3. hálvár: Undanframleiðsla (størri elementbyggjarí)

4. hálvár: Íbúðarbygging í fleiri hæddum

5. hálvár: Endurnýggjan (renovering)

6. hálvár: Starvslæra (praktikk)

7. Endalig próvtøkuverkætlan

Undantikið tvær tær síðstu lestrarhálvurnar er nógv toymisarbeiði.

Eftir 3. hálvár er møguleika, at lesa til byggitøkning í Danmark, tað tekur ½ ár, les meiri her.

Somuleiðis geva tær tvær fyrstu lestrarhálvurnar merit til kort- og landmálingsteknikara, lesa meiri her.

Tú hevur møguleikan at fara í starvslæru hjá t.d. arktiktafyritøkum, entreprenør- og handverkarafyritøkum, ráðgevandi verkfrøðingum, veitarum innan byggitilfar, stovnum og kommunum.  

Upptøkutreytir

Til at verða upptikin krevst, at umsøkjarin hevur lokið:

1. gymnasiala miðnámsútbúgving ella
2. handverkaraútbúgving t.d.:
   húsasmiður
   snikkari
   múrari
   elektrikari
   Maskinsnikkari
   Bygningsmálari
   HVS-smiður/montørur v.m.

Um tú hevur tikið útbúgvingina byggitøkni, ella trý tey fyrstu hálvárini av byggitøkni útbúgvingini, kanst tú søkja um at sleppa beinleiðis inn á 4. lestrarhálvár á byggifrøði útbúgvingini. 

Framhaldandi lestur

Sum professiónsbachelor í byggifrøði hevur tú møguleika til kandidatlestur, sum Aalborg Universitet bjóðar út í Allaborg og í Keypmannahavn.

Hesar útbúgvingarnar eru cand. tech innan:

• "Building Energy Design"
• "Byggeledelse og Bygningsinformatik"
• "Risk and Safety Management"
• "Entreprenurial Engineering"
• "Ledelse og informatik i byggeriet"
• "Produktion"
• "Surveying and Planning"

Tað er lærustovnurin, sum søkt verður inn á, sum avger upptøkutreytirnar.​

Útbúgvingin er á 6. stigi í donsku førleikakarminum fyri lívlanga læru.  Førleikakarmurin gongur frá stigi 1–8 og ásetur tað, ið væntandi fæst burtur úr útbúgvingini.

Starvsmøguleikar

Útbúgvingin miðar m.a. ímóti størvum í byggivinnuni, hjá ráðgevandi
arkitektum/verkfrøðingum, í egnum virki, ella t.d. hjá virkjum, ið framleiða/selja byggitilfar.

Eisini starvast byggifrøðingar á stovnum, í kommunum og í bústaðarfeløgum.

Meiri kunning

Les um útbúgvingina á heimasíðuni hjá Glasi her.

Meiri kunning fæst við at venda sær til Heðin Gásadal, heg@glasir.fo ella til lestrarvegleiðingina her.

Glasir