Søk um upptøku her

Lestrartíð:

4 ár sum parttíðarlestur

Skúlabyrjan:

August

Umsóknarfreist:

1. juli

Tal av upptiknum næmingum:

Umleið 40

Útbúgvingarstovnur:

Útbúgvingarstaður: Tórshavn

ECTS: 120

Lestrarkostnaður:

2000,- fyri hvørt ECTS

Master

Leiðsla og skipan

Master in Leadership and Management

Endamálið við útbúgvingini er at geva teimum lesandi granskingargrundaða vitan um leiðslu og skipan í nýmótans organisatiónum.

Um útbúgvingina

Serligur dentur er lagdur á at menna førleikar hjá teimum lesandi, at

skilja, greina og kjakast um torskildar organisatoriskar avbjóðingar
eyðmerkja trupulleikar, at hugsa og virka strategiskt
fyrireika seg til leiðsluleiklutir
at skilja týdningin av sjálvsleiðslu og sambandi millum starvsfólk
menna leistir til leiðslu, fyrisiting og til organisatoriskan framburð, sum vísa samfelagsábyrgd og eru etiskt haldgóða

Skipan av útbúgvingini

Útbúgvingin er skipað sum skeið, ið eru kravskeið. Útbúgvingin er parttíðarlestur og er skipað í undirvísingarvikuskiftum, t.e. fríggjadag seinnapart og leygardag fyrrapart til tíðliga seinnapart. Útbúgvingin er skipað í tveir partar, har møguleiki er at steðga, eftir at 1. partur er staðin. Tað gevur rætt til prógv við heitinum: Diplom í leiðslu og skipan á masterstigi.
2. partur endar við eini masterritgerð, sum gevur rætt til prógv við heitinum: Master í leiðslu og skipan.

Bygnaður

1. hálvár

Persónlig leiðsla, leiðsla og starvsfólk og leiðsla og organisatión

15 ECTS

2. hálvár

Organisatiónsmentan, strategisk leiðsla og broytingarleiðsla

15 ECTS

3. hálvár

Búskparstýring fyri leiðarar

5 ECTS

Lóg og leiðsla

10 ECTS

4. hálvár

Diplomritgerð á masterstigi

15 ECTS

5. hálvár

Leiðsla og samskifti

7 ECTS

Leiðsla, mikrosamfelag og alheimsgerð

7 ECTS

6. hálvár

Burðardygg leiðsla

7 ECTS

Organisatiónsmenning

7 ECTS

7. hálvár

Granskingardesign 2

10 ECTS

8. hálvár

Masterritgerð

20 ECTS

Próvtøkur

Próvdømingin kann vera við innanhýsis ella uttanhýsis próvdómara.

Próvtøkurnar fyri heysthálvuna liggja í desembur/januar, meðan próvtøkurnar fyri várhálvuna liggja í mai/juni. Endurpróvtøka av skeiði, sum ikki er staðið, kann væntast ávikavíst at liggja í august/septembur ella í januar/februar.

1. partur
Hálvár	Skeið			ECTS	Próvtøka	Endurpróvtøka	Próvdøming	Meting
1.	Persónlig leiðsla	Leiðsla og starvs-fólk	Leiðsla av organi-satión	15	Framløga og kjak	Sama	Innanhýsis	Staðið / ikki staðið
2.	Organisatións-mentan Strategisk leiðsla Broytingarleiðsla			15	Framløga og kjak	Sama	Uttanhýsis	Próvtal
3.	Búskaparstýring fyri leiðarar			5	Munnlig við fyrireiking	Sama	Uttanhýsis	Próvtal
3.	Lóg og leiðsla			10	Heimauppgáva (miðvegis) og ein 4 tímar skrivlig	Sama	Uttanhýsis	Próvtal Samlað (1/3 + 2/3)
4.	Diplomritgerð á Masterstigi			15	Framløga við støði í granskingar-design	Sama	Innanhýsis	Staðið / ikki staðið
4.	Diplomritgerð á Masterstigi			15	Munnlig verja við støði í ritgerð	Sama	Uttanhýsis	Próvtal
2. partur
Hálvár	Skeið			ECTS	Próvtøka	Endurpróvtøka	Próvdøming	Meting
5.	Leiðsla og samskifti			7,5	Skrivlig heimauppgáva	Sama	Innanhýsis	Próvtal
5.	Leiðsla, mikrosamfelag og alheimsgerð			7,5	Munnlig við støði í heimauppgávu	Sama	Uttanhýsis	Próvtal
6.	Burðardygg leiðsla			7,5	Munnlig við støði í heimauppgávu	Sama	Uttanhýsis	Próvtal
6.	Organisatiónsmenning			7,5	Munnlig við støði í heimauppgávu	Sama	Uttanhýsis	Próvtal
7.	Granskingardesign 2			10	Framløga við støði í granskingar-design	Sama	Innanhýsis	Staðið / ikki staðið
8.	Masterritgerð			20	Munnlig verja við støði í ritgerð	Sama	Uttanhýsis	Próvtal

Upptøkutreytir

Til tess at verða upptikin krevst bachelorútbúgving.

Neyðugt er, at hava nøktandi málførleikar í føroyskum, skandinaviskum og enskum máli. Undirvísingin verður í høvuðsheitum á føroyskum, meðan undirvísing á donskum ella enskum kann verða neyðug, um serligar umstøður gera seg galdandi.

Framhaldandi lestur

Master í leiðslu og skipan kann geva møguleika til víðari lestur á Ph.D.-stigi.

Starvsmøguleikar

Útbúgvingin gevur møguleika til starv innan leiðsluøkið í organisatiónum og fyritøkum í tí almenna og privata geiranum. Útbúgvingin gevur førleikar í at menna organisatiónir og at luttaka í undirvísingarvirksemi innan leiðsluøkið.

Meiri kunning

Meiri kunning fæst við at venda sær til Súsannu Olsen, útbúgvingarleiðara, susannao@setur.fo, +298 299434.

Les meiri her.

Fróðskaparsetur Føroya.

Leiðsla og skipan

Um útbúgvingina

Skipan av útbúgvingini

Próvtøkur

Upptøkutreytir

Framhaldandi lestur

Starvsmøguleikar

Meiri kunning

Samband