Yrkisnám

Yrkisútbúgvingar við skúlagongd í Føroyum
 

Tekniskt Yrkisnám
✓ Timbur á Glasi  í Havn og TSK í Klaksvík
✓ EL á Glasi í Havn og TSK í Klaksvík
✓ Bilsmið á Glasi í Havn
✓ Metal á Glasi í Havn

Skapandi yrkis- og atstøðisútbúgvingar
✓ Hárfríðkan á Glasi í Havn
✓ Klædnaatstøði á Glasi í Havn
✓ Tilvirkisatstøði á Glasi í Havn
✓ Matvøruatstøði á TSK í Klaksvík
✓ Serbreyt innan handsverksyrkið á Glasi í Havn og TSK í Klaksví

Tekniskt Yrkisnám

Ert tú í læru og hevur lærusáttmála, tá fevnir skúlagongdin á Tekniskum Yrkisnámi
um 50-55 vikur. Hevur tú ikki lærusáttmála kanst tú taka Tekniskt Yrkisnám eftir
einum ári.
Á Tekniskum Yrkisnámi hevur tú tveir valmøguleikar at byrja tína yrkisleið. Teir eru við lærusáttmála við fyritøku, ella við ongum lærusáttmála.

Við lærusáttmála

Hevur tú gjørt sáttmála við eitt lærupláss, verður skúlagongdin hjá tær løgd til rættis saman við læruplássinum, soleiðis at tú ert í verkligu læruni ímillum tey ymisku skúlaskeiðini.
Ein yrkisútbúgving varir vanliga í umleið 4 ár. Av hesum eru vanliga 55 vikurí skúla. Hetta er galdandi, um tú hevur lærusáttmála.

Við lærusáttmála tekur tú øll skúlaskeiðini í Yrkisnámi. Ímillum skúlaskeiðini hevur tú verkliga læru. 1. og 2. skúlaskeið eru 20 vikur hvørt. Tá hevur tú yrkislærugreinar og almennar lærugreinar á E stigi.

Í 3. skúlaskeiði, sum fevnir um 10 vikur, hevur tú bert yrkislærugreinar at hugsa um, og tú sleppur at førleikamenna teg í tín um yrki burturav og miðvíst. Eftir lokið 3. skúlaskeið kanst tú fara upp til sveinaroynd og tú fært sveinabræv í tínum yrki.

Við ongum lærusáttmála

Ætlar tú at læra til elektrikara, hárfríðkara, húsasmið, metalsmið ella bilsmið, og ikki hevur lærusáttmála, kanst tú søkja um upptøku á øðrum av yrkisskúlunum (annað hvørt á Glasi ella á TSK) til 1. skúlaskeið, har tín yrkisgrein verður boðin út. Har byrjar tú skúlagongd ina í 1. skúlaskeiði, sum er 20 vikur. Um tú stendur 1. skúlaskeið, er møguleiki at fara beinleiðis inn á 2. skúlaskeið innan økið.

Serbreyt innan handverksyrkið

Tekniski Skúlin í Klaksvík (TSK) og Glasir bjóða undirvísing á serbreyt innan hand verksyrkið.
Serbreytin er ætlað næmingum millum 16 og 25 ár, sum hava ynski um at nema sær førleikar í yrkisnámi, men ikki megna at fáa sær fulla útbúgving í verandi útbúgvingarskipan. Undirvísingin á serbreytini tekur støði í tí einstaka, sum verður førleikamettur eftir serligari skipan, ið verður brúkt at skjalprógva førleikar hjá einstaka næminginum.

Meiri kunning

Yrkisdepilin
Faldari um yrkisútbúgvingar er tøkur her.
Glasir
TSK