Er tøkt her

Lestrartíð: 3 ár
Skúlabyrjan: August
Umsóknarfreist: 15. mars

Útbúgvingarstovnur
Glasir
Miðnámsskúlin í Suðuroy
Miðnám á Kambsdali

Útbúgvingarstaður
Tórshavn, Hov, Kambsdalur

Lestrarstuðul:

Lestrarlán:

Gymnasial miðnámsútbúgving

Hugbreyt

Á hugbreytini verður dentur lagdur á málslig og hugvísindalig evni. Eisini verður dentur lagdur á almennandi evni sum t.d. skapandi lærugreinar og náttúrulærugreinar.

Undirvísingin á hugbreytini er nakað øðrvísi enn tað, tú kennir frá fólkaskúlanum. Nógv er vanlig floksundirvísing, men bólka- og verkætlanararbeiði er eisini partur av undirvísingini. Á hugbreytini fært tú eisini møguleika at arbeiða sjálvstøðugt við stórum uppgávum.

Námsferðir, vitjanir og smáar verkætlanir uttan fyri skúlan og skúlatíðina eru vanlig á hugbreytini.

Felags- og breytarlærugreinar

Enskt A

Ítróttur og heilsa C

Religión C

Føroyskt A

Landafrøði C

Samfelagsfrøði C

Vallærugreinar

Á hugbreytini skal næmingurin velja nakrar vallærugreinar. Tá ið tær verða valdar, eru nakrar treytir, sum skulu tryggja, at samlaða lærugreinasamansetingin í próvnum er í samsvari við endamálið við breytini.

●       Eitt byrjanarmál ella framhaldsmál (týskt, franskt, spanskt, russiskt o.t.) á A-stigi

●       Eitt annað byrjanarmál ella framhaldsmál (týskt, franskt, spanskt, russiskt o.tíl.) á B-stigi ella danskt á A-stigi

●       Tvær felagslærugreinar ella breytarlærugreinar, ið verða lyftar frá C til B

●       Ein onnur felagslærugrein ella breytarlærugrein, ið verður lyft frá C til B

●       Ein listalærugrein (tónleikur, leiklist, myndlist ella miðlakunnleiki) á C-stigi.

Upptøkutreytir

Treytin fyri upptøku er, at tú hevur:

●       fullført 9. flokk fólkaskúlans ella hevur samsvarandi útbúgving frá øðrum lærustovni

●       lokið kravdu próvtøkur fólkaskúlans í 9. flokki í skrivligum føroyskum, donskum, enskum og rokning/støddfrøði

●       lokið munnligu próvtøkur fólkaskúlans í 9. flokki, sum Mentamálaráðið hevur tikið út.

Lýkur umsøkjari ikki onkra av omanfyristandandi treytum, kann einstaki skúlin gera eina ítøkiliga meting og taka støðu eftir henni. Ætlar tú at velja ávíst framhaldsmál á hugbreytini, skalt tú hava fingið royndarfyrireikandi undirvísing í 2 ár í minsta lagi í viðkomandi framhaldsmáli.

Framtíðarmøguleikar

Við einum prógvi frá hugbreytini kanst tú søkja inn á allar hægri framhaldsútbúgvingar, tó við teimum avmarkingum, sum framhaldsútbúgvingarnar seta viðvíkjandi lærugreinum og lærugreinastigum. Við einum prógvi frá hugbreytini hevur tú serliga ognað tær førleika at søkja inn á tær hugvísindaligu framhaldsútbúgvingarnar.

Meiri kunning

Glasirr – www.glasir.fo
Miðnám á Kamsdali – www.kambsdalur.fo
Miðnámsskúlin í Suðuroy – www.midnam.fo
 

Er tøkt her

Lestrartíð: 3 ár
Skúlabyrjan: August
Umsóknarfreist: 15. mars

Útbúgvingarstovnur Glasir Miðnámsskúlin í Suðuroy Miðnám á Kambsdali

Útbúgvingarstaður
Tórshavn, Hov, Kambsdalur

Lestrarstuðul:

Fylg okkum