Søk um upptøku her

Lestrartíð: 2 ár sum parttíðarlestur
Skúlabyrjan: Januar og august
Umsóknarfreist: 20. januar og 1. august

Útbúgvingarstovnur
Glasir

Útbúgvingarstaður
Tórshavn

Akademistig

HD 1. partur

Graduate Certificate in Business Administration.

HD er ein framhaldsútbúgving innan leiðslu og vinnubúskap skipað sum parttíðarútbúgving.

Útbúgvingin er til tín, sum ynskir møguleikan afturat tínum vinnuroyndum at fáa eina ástøðiliga útbúgving og fáa førleikar innan leiðslu, búskap og fyriskipan. 

Um útbúgvingina

HD er skipað í ein 1. part og 2. part. HD 1. partur gevur tær eitt vinnubúskaparligt grundstøði, sum gevur tær førleikar til at verða tikin upp til 2. part. 

HD 1. partur verður boðin út í samstarvi millum Glasir og Århus Universtitet. Undirvísingin fer fram á føroyskum. Undirvísingartilfarið er enskt og danskt. 

HD 1. partur er settur saman av 6 lærugreinum, ið fevna um ½-1 ár, tað er 1 ella 2 semestur. 

Undirvísingin, ið er á Glasi, er vanliga mána- og mikudag kl. 16.00-19.15. Hvør lestrarhálva er áleið 13 vikur. 

ECTS (European Credit Transfer System) lýsir arbeiðsbyrðuna, sum tú kann rokna við. 60 ECTS er fulltíðarlestur á hægri útbúgving í eitt ár. 1 ECTS fevnir um áleið 27,5 arbeiðstímar hjá tí lesandi. Hetta merkir eitt nú, at tú skal rokna við at nýta áleið 137 arbeiðstímar til t.d. lærugreinina Dátugreining (5 ECTS).

Upptøkutreytir

Til at verða upptikin á HD 1. parti krevst gymnasial miðnámsútbúgving.  

Til ber at søkja um undantak, um tú hevur aðra útbúgving á sama stigi. Tað er Århus Universitet, ið tekur støðu, tá søkt verður um upptøku við undantakið.

Undirvísingin á HD 1. parti er við útgangsstøði í førleikum, ið svara til støddfrøði B.

Próvtøkur

Próvtøkur, bæði munnligar og skrivligar, eru á donskum.

Heysthálvan er í tíðarskeiðinum september – desember við próvtøkum í januar. Várhálvan er í tíðarskeiðinum januar – mai við próvtøkum í mai/juni.

Framtíðarmøguleikar

Útbúgvingin gevur tær møguleika at førleikamenna teg í verandi ella komandi starvi.

HD 1. partur gevur tær møguleika fyri framhaldandi lestri á diplomstigi, t.d. HD 2. part.

Meiri kunning

Um tú vilt vita meira um útbúgvingina og bygnaðin, ber til at lesa námsætlanina her.

Tú kanst venda tær til Finn Jensen, dekan á 786663 og fje@glasir.fo.

www.glasir.fo

Søk um upptøku her

Lestrartíð: 2 ár sum parttíðarlestur
Skúlabyrjan: Januar og august
Umsóknarfreist: 20. januar og 1. august

Útbúgvingarstovnur Glasir

Útbúgvingarstaður
Tórshavn

Fylg okkum