Løgfrøði

Endamálið við útbúgvingini er at geva tí lesandi førleikar á høgum stigi í løgfrøði. Tey útbúnu skulu fata og kunna greina lóg og løgfrøði við atliti at røð av løgfrøðiligum evnum, umframt lógkønari útgávu og lóg hjá smáum løgdømum í samveldisstøðu.

Um útbúgvingina

Útbúgvingin leggur dent á, at tey útbúnu skulu fata og duga at greina lóg og løgfrøði við atliti at fyrisitingarlóg, lógkønari útgávu og lóg hjá smáum løgdømum í samveldisstøðu, m.a. lóggávu, venju og aðrar rættarkeldur, umframt altjóða lóg, felagsmál og samanberandi greinan.

Skipan av útbúgvingini

Fulltíðarlestur krevur 30 ECTS hvørja lestrarhálvu. Útbúgvingin er samansett av dogmatiskum lógkunnleika, løgfrøðiligari fatan og háttalagi og valgreinum. 

Lesast skulu samanlagt 120 ECTS, og býtið er:

• Dogmatiskur lógkunnleiki: 50 til 80 ECTS
• Løgfrøðilig fatan og háttalag: 10 ECTS kravd
• Ritgerð: 30 ECTS
• Valgreinar: 0 til 30 ECTS.

Dogmatiskur lógkunnleiki er siðbundin gjøgnumgongd av lógkeldum á ávísum evnisligum øki, tulkan og brúk teirra. Flestu dogmatisku lærugreinarnar taka støði antin í føroyskari lóg ella annars við atliti at lóg viðkomandi fyri smá løgdømi í samveldisstøðu.

Løgfrøðilig fatan og háttalag er djúp fatan og greinan av løgfrøðiligum háttalagi. Umframt almennur akademiskur førleiki tillagaður avbjóðingum í løgfrøðiligum høpi.

Valgreinar eru skeið, ið ikki lættliga kunnu bólkast sum antin dogmatisk ella løgfrøðilig fatan og háttalag, men eru viðkomandi fyri samlaðu læruúrtøkuna. Hetta kunnu vera heimspekiliga ella samfelagsvísindaliga litað skeið, ið kasta ljós á ávís løgfrøðilig evni­­.

Ritgerð skal vera 30 ECTS og skal sýna løgfrøðiliga fatan á høgum stigi.

Ymiskt er, hvørjar lærugreinar vera bjóðaðar fram hvørja lestrarhálvu, men vanliga trý til fýra skeið. Les meiri um hvørjar lærugreinar vera bjóðaðar her.

Próvtøkur

Skipað verður fyri próvtøkum tvær ferðir um árið.

Vetrarpróvtøkur eru vanliga í desember og januar, summarpróvtøkur eru vanliga í mai og juni.

Skipað verður fyri endurpróvtøku og sjúkrapróvtøku um várið og um heystið.

Upptøkutreytir

Til at verða upptikin krevst antin í minsta lagi bachelor prógv í løgfrøði ella onnur bachelorútbúgving.

Hevur tann lesandi aðra bachelorútbúgving enn í løgfrøði, er eisini krav, at viðkomandi gjøgnum útbúgvingina og/ella royndir hevur nóg mikið av løgfrøði.

Starvsmøguleikar

Við hesi útbúgving ber til at starvast í almennari og privatari fyrisiting, har kravið er løgfrøði ella samsvarandi hægri útbúgving.

Hevur tú bachelor í løgfrøði frammanundan, kanst tú eisini virka sum advokatur og dómari.

Framhaldandi útbúgving

Master í løgfrøði gevur møguleika fyri at fara undir ph.d.-lestur í lóg ella samsvarandi.

Meiri kunning

Tú kanst venda tær til Kirstin Sigurðsdóttir Rasmussen, lestrarvegleiðara, kirstinr@setur.fo ella til Bárð Larsen, útbúgvingarleiðara, bardurl@setur.fo.

Les meiri her

Fróðskaparsetur Føroya