Góðskrivingar á Fróðskaparsetur Føroya

Setrið kann eftir umsókn og fakligari meting játta at góðskriva skeið og partar av útbúgvingum, sum eru lokin, ella sum ætlanin er at lúka á øðrum universitetum.

Hvat kann verða góðskrivað?

1. Longu loknir námspartar av aðrari útbúgving á sama fakliga stigi, sum kunnu koma í staðin fyri partar av tí setursnámi, sum tann lesandi hevur søkt um upptøku til ella er innskrivaður til.
    
2. Undangóðkenning í sambandi við lestrarvist: Partar/skeið/eindir, sum lesandi taka á útlendskari útbúgving á sama fakliga stigi, sum kunnu koma í staðin fyri partar av tí setursnámi, sum tann lesandi hevur søkt um upptøku til ella er innskrivaður til. 

Hvussu nógv kann verða góðskrivað?

Lestrarráðið tekur avgerð um allar góðskrivingar eftir tilmæli frá viðkomandi útbúgvingarleiðara.

Har námspartar longu eru loknir á øðrum lærustovni, kunnu teir verða góðskrivaðir í tann mun hesir samsvara innihaldsliga og eru á minst sama fakliga stigi sum teir partar av útbúgvingini, ið søkt verður um góðskriving fyri. Útbúgvingarleiðarin metur um í hvørjum einstøkum føri, hvussu nógv kann góðskrivast.

Umsókn

Søkt verður um góðskriving við umsóknarblaðnum, sum er tøkt her.

​Meiri kunning

Fróðskaparsetur Føroya

Lestrarvegleiðingarnar á deildunum á Fróðskaparsetur Føroya eru tøkar her.