Master í west Nordic Studies
Master
Enska heiti: Master of social sceince, stytt M. S. Sc., in West Nordic Studies – Governance and Sustainable Management.
Lestrartíð: 2 ár
Umsóknarfreist: Føroyingar og norðurlendingar 1. mai. Altjóða umsøkjarar 1. februar
Skúlabyrjan: august
Útbúgvingarstovnur: Fróðskaparsetur Føroya
Útbúgvingarstaður: T%c3%b3rshavn
Útbúgvingin gevur vitan um Útnorður og førleikar til at viðgera viðkomandi nútíðar evni og søguligu menningini í mun til høvuðavbjóðingar í Útnorði í dag, serstakliga í samband við veðurlag, umhvørvi og burðardygd. Almenna endamálið við útbúgvingini er at økja vitanina um bæði felags og serstøk evni í økinum og at økja útbúgvingarstøði í hesum sambandi.
Um útbúgvingina
Føroyingar, norðurlendingar og lesandi úr ES/EBS londum gjalda ikki lestrargjald. Onnur altjóða lesandi gjalda kr. 40.000 um árið. Føroyingar fáa lestrarstuðul frá Studna.
Útbúgvingin er skipað sum samstarv millum Ilisimatusarfik í Nuuk, Háskólinn á Akureyri, Háskóli Íslands í Reykjavík, Universitetet i Nord, Bodø og Fróðskaparsetur Føroya.
Lesandi á Fróðskaparsetri Føroya kunnu seta skeið saman frá teimum fimm samstarvsuniversitetunum og soleiðis skraddaraseyma sína egnu útgávu, tó er fakið „Introduction to Circumpolar Studies“ í Akureyri kravt. Til ber at lesa uttanlands í fyrstu, aðru og triðju lestrarhálvu. Minstakravið frá Fróðskaparsetri Føroya er tvey skeið (20 ECTS) umframt masterritgerðina (30 ECTS). Minstakravið frá samstarvsuniversitetunum er 30 ECTS í valfríum skeiðum.
Fróðskaparsetrið bjóðar í minsta lagi fýra kjarnaskeið og fýra valfrí skeið. Hesi skeiðini verða øll boðin út í heysthálvuni. Eisini ber til at velja at gera verkætlan innan Green Student-House (Lindbergs Hús). Tað er eisini møguligt at fremja sonevnda prakislæru (25 ECTS) í øllum lestrarhálvum. Niðanfyri er dømi um lestrargongd:
Fyrsta lestrarhálva er innleiðsluskeið til útbúgvingina ,sum er á universitetinum á Akureyri, tá ið lestrarhálvan byrjar. Restina av lestrarhálvuni kanst tú antin:
a) taka tvey skeið á Fróðskaparsetrinum (20 ECTS): tvey kjarnaskeið ella eitt kjarnaskeið og eitt valfrítt skeið ella
b) taka skeið við universitetið í Akureyri (20 ECTS).
Onnur lestrarhálva verður tikin uttanlands.
Triðju lestrarhálvuna tekur tú á Fróðskaparsetrinum ella á einum samstarvsuniversiteti saman við lesandi frá samstarvsuniversitetunum (30 ECTS) trý kjarnaskeið, ella tvey kjarnaskeið og eitt valfrítt skeið ella eitt kjarnaskeið og tvey valfrí skeið (alt eftir hvat ein hevur tikið frammanundan). Praksislæra og vallærugrein er eisini ein møguleiki.
Í fjórðu lestrarhálvu verður masterritgerð skrivað, og tú tekur tá eitt kravt skeið um ritgerð (30 ECTS).
Felags meginreglur fyri kjarnaskeið eru 40–45 tíma undirvísing, íroknað gestafyrilestrar hjá vitjandi granskarum og fólki við arbeiðsroyndum á økinum, umframt vitjanir á viðkomandi stovnum. Skeiðini, sum verða boðin út, umboða gransking, sum fer fram á viðkomandi universiteti.
Upptøkutreytir
Til at verða upptikin krevst:
a) Útbúgvingarligar førleikar
● Bachelorútbúgving í samfelagsfrøði; ella
● Bachelorútbúgving við í minsta lagi 60 ECTS-stigum innan samfelagsfrøðiliga økið, umframt at bacheloruppgávan er um eitt samfelagsfrøðiligt evni; ella
● Útbúgving á samsvarandi stigi umframt minst trý ár av starvsroyndum innan almenna fyriskipan ella burðardygga leiðslu í útnorðri; og
b) Málsligar førleikar
● Førleikar í enskum máli, ið samsvara við B-stig í føroyskum miðnámsskúla ella øðrum miðnámsskúla; ella
● Prógv fyri lokna TOEFL roynd (í minsta lagi 550 stig í pappírsroyndini ella 80 stig í internetroyndini) ella IELTS roynd (í minsta lagi 6.0).
Framtíðarmøguleikar
Master í west Nordic Studies gevur førleika til at kunna taka við størvum í fyrisiting, við analysu og kunning innan almenna fyrisiting, í privatum fyritøkum og felagsskapum, ið virka í einum altjóða høpi.
Master í í west Nordic Studies gevur møguleika fyri at fara undir ph.d.-lestur.
Meiri kunning
Fróðskaparsetur Føroya - www.setur.fo.
Tú kanst venda tær til Lau Blaxekjær, undirvísingarleiðara, laub@setur.fo.